لما بييجى عليك وقت و تحس فيه انك لوحدك بالرغم من كل الناس اللى موجودة حواليك .. لما ترد على كلام بيتقالك رد مثالى بس من جوة عقلك و من غير صوت و بتكون صامت قامط مبتتكلمش .. لما قلبك يدق و تحس انه عاوز يطلع من مكانه من غير وجود سبب . ده يبقى ايه ....؟؟؟؟!!!!! اكيد كل واحد خلقه ربنا بتعدى عليه مواقف كتير زى دى بس فى الاخر مبيعرفش ليها تفسير بس ممكن انا بتفسيرى المتواضع انى اقول ان الحالات اللى قولت عليها فوق دى حالات يا اما بتيجى فردية او مجتمعة حسب الشخص اللى بيحس بيها و لما بتيجى فردية نتيجة لمواقف فردية محددة زى مثلا حد انت مش طايقه بيكلمك وانت من جواك بترد عليه بكلام مينفعش تقولهوله فى وشه زى مديرك مثلا او حد كبير عنك او حد قريبك و بتبقى مجتمعة لما انت بتكون حزين و معنى حزين هنا مش بس زعلان لا معناها ممكن يكون فى قاموسى انا انه حزن ممزوج بإكتئاب و حيرة ووحدة ووجع و عدم راحة لما بتبقى مزاجى و ببتعامل مع حياتك بمزاجك زى مثلا انت عاوز تشتغل بمزاجك و عاوز تنام بمزاجك و عاوز تصحى من غير منبه و تصحى بمزاجك او انك تحس انك خالى من المسؤوليات و عايش بمزاجك يبقى انت كدة مطريها للدنيا...